Pynliem ka Pantah 12 Panthers da 33 ron ïaka Nongkhyllem Tigers ha ka Pahamsning T20 Cricket Tournament

Nongpoh, Ïaiong 14: Ka Pantah 12 Panthers kala long ka lahduh haka phainal jong ka lympung ïalehkai Kriket ka Pahamsning T20 Cricket Tournament bala pynlong da ka Ri-Bhoi District Cricket Association ha madan ïalehkai kriket ha Pahamsning hadien ba kala pynliem noh ïaka Nongkhyllem Tigers da 33 ron.
Haba phai sha ka jinglehkai ha katei ka sngi ka Pantah kala tied nyngkong bad kamai haduh 158 ron bad hap haduh 7 wiket naki 20 over. Haba beh ïa katei ka thong ka Nongkhyllem watla kala pyrshang ban beh ïa katei ka thong hynrei kala lah ban kamai tang 125 ron naki 20 over bad hap noh 7 wicket bala pynlong ïaka Pantah ban rah syndon ïaka nam lahduh jong katei ka lympung da kaba pynliem ïaka Nongkhyllem da 33 ron.
Ha katei ka jingïakhun phainal la wan ruh ban pynhap pyrda syndon da u Bah Wailad Miki Shylla Myntri ka tnad ïalehkai ka jylla kum u kongsan haka jingdonlang ka kong Rona Khymdeit MDC ka Nongpoh, u Bah Erick Dkhar Assistant Commissioner, u Bah Rayonald Kharkamni Honorary Secretary ka MCA bad President ka RBDCA, u Bah Ferdinald Kharkamni Working President, Bah Michael Kharhunai Secretary bad kiwei kiwei.
Ha katei ka sngi la sam ruh ïaka khusnam sha ki nongjop ha kaba ka Pantah 12 Panthers kaba dei ka lahduh kala ïoh ban khur ïaka song Pisa kaba 1 Lakh lem bad ka Trophy katba ka Nongkhyllem Tigers kala ïoh ban khur ïaka song pisa kaba 50 hajar lem bad ka trophy.