Shillong, Iaiong 4: Ka Aochik State People Front (ASPF) kala aiti da ka dorkhas sha u Chief Executive Member (CEM) jong ka Garo Hills Autonomous District Council ha kaba ki kwah ba ka Council kam dei shuh ban dang ai Trading Lisence ïa ki bar jylla na Assam.
Kiwei de ki mat jingdawa ki kynthup ban don noh la ka jong ka thup kyrteng ki nongthep vote kiba dei ki riewlum, ka jingïada ïa ka jinglong trai jaka katkum ka riti dustur, bad ka jingpynbeit pud ïa ki konstitwensi hapoh ka kyndon jong ka Sixth Schedule jong ka Riti Synshar.
U CEM u la pynthikna ïa ngi ba kila dep ban thaw ïa ka committee ban eksamin ïa ka jingpyntreikam ïa ka thup kyrteng thep vote ba kyrpang bad ka aiñ Garo Customary Law (GCL), ong u nongialam ka ASPF.
Shuh shuh utei u nongialam u la pynpaw, Ïa kane ka jingthmu la phah sha ka sorkar lyngba u Deputy Commissioner ka West Garo Hills bad mynta ka dang ap ïa ka jingmynjur.
Une u nongialam u la pynpaw ruh ïa ka jingangnud jong ka Council ban pyndep ïa kane ka kam hapoh ka por ba u dang long kum u CEM ka GHADC.
