Shillong, Naiwieng 08: Ka Department of Expenditure, tnat Finance, mynta ka sngi ka la pyllait ia ka bynta jingsiew kaba 8 kaba man ka bnai jong ka Post Devolution Revenue Deficit (PDRD) Grant kaba T. 7,183.42 klur sha 14 tylli ki Jylla. La pyllait ia kane ka grant katkum ki jingai jingmut jong ka Fifteenth Finance Commission.
Ka Fifteenth Finance Commission ka la ai jingmut ia ka Post Devolution Revenue Deficit Grant kaba T. 86,201 klur sha 14 tylli ki Jylla na ka bynta u snem mang tyngka 2022-23. Ia kane ka grant kaba la ai jingmut la pyllait da ka Department of Expenditure sha ki Jylla ba la jied ha ki 12 tylli ki bynta jingsiew ba man ka bnai. Lyngba ka jingpyllait ia ka bynta jingsiew kaba 8 jong u bnai Naiwieng, 2022, ki Revenue Deficit Grant baroh ba la pyllait sha ki Jylla ha u 2022-23 ka la kiew sha ka T. 57,467.33 klur.
La ai ia ki Post Devolution Revenue Deficit Grant sha ki Jylla hapoh ka Article 275 jong ka Riti Synshar. La pyllait ia ki grant sha ki Jylla katkum ki jingai jingmut jong ki Finance Commission ban pyndap ia ki jingduna ha ki Revenue Account jong ki Jylla hadien ka devolution.
Ka jingioh lad ki Jylla ban ioh ia kane ka grant bad ka quantum of grant na ka bynta ka samoi naduh u 2020-21 haduh 2025-26 la rai da ka Fifteenth Finance Commission da kaba buh nongrim ha ka jingiapher hapdeng ka jingpeit ia ka jingioh jingkamai bad ka jingpynlut jong ka Jylla hadien ba la peit ia ka devolution ha kane ka samoi.
Ki jylla kiba ka Fifteenth Finance Commission ka la ai jingmut ban ioh ia ka Post Devolution Revenue Deficit Grant ha u 2022-23 ki dei ka: Andhra Pradesh, Assam, Himachal Pradesh, Kerala, Manipur, Meghalaya, Mizoram, Nagaland, Punjab, Rajasthan, Sikkim, Tripura, Uttarakhand bad West Bengal.
