Nongpoh, Risaw 07: Ki Pulit ka Ri Bhoi Distri t ha ka sngi Thohdieng ki la ïoh kem ïa ki ar ngut ki briew ba la suba ba ki donkti ban shalan be-aiñ ïa u drok da kaba pyndonkam da ka Kali ba wan na Guwahati da ka jingthmu ban pynpoi ïa u drok sha ka jylla Meghalaya.
Ki Pulit ki la ïoh kem ïa kine ki ar ngut hadien ba ki la ïoh jingtip na ki tnat syntiat ba ki la wanrah ïa u drok na Assam ban pynpoi sha ka jylla Meghalaya. Ha ka jingpynap shrip, ki Pulit ki la ïohbat ïa ka Kali kaba ki shong ha Byrnihat bad la kem ruh ïa kine ki ar ngut kiba la shalan be-aiñ ïa u drok.
U Superintendent of Police jong ka Ri Bhoi District u Giri Prasad u la ïathuh ba ha ka sngi Thohdieng ha ka por 11.30 baje mynstep ki Pulit ki la pynap shrip ïa katei ka Kali Maruti 800 kaba don ïa u number AS 01Z-8255 bad napoh ka Kali ki la ïoh bat ar ngut kiba suba nongkhaïi drok ryngkat u drok ba la suba ba dei u drok Heroin ba don ka jingkhia kumba 45.31 gram kaba dei hadien ba la dep thew bad pynlong ka jingohtkit.
U la ïathuh ruh ba ki arngut ki dei kiba la tip kyrteng kum u Phrangsngi Nongshli, 34snem na ka shnong Saiden bad kawei pat kaba la tip kyrteng kum ka Bina Sarkar, 45 snem na 14mer, Byrnihat, Assam.
U SP u la pyntip ruh ba ki Pulit jong ka Ri Bhoi ki dang pynlong ïa ka jingtohkit ïa kine ki arngut bad pyngngat ïa ki hapoh ki kyndon jong ka NDPS Act.
