4 tarik Rymphang yn pynlong jingduwai ka NPYF

0

Shillong, Rymphang 02 : Ka National People Youth Front (NPYF) jong ka 17th North Shillong Constituency ha ka 4 tarik Rymphang 2023 kan pynlong ïa ka jingduwai ‘Prayer Meeting’ kaban sdang naduh ka por 11 baje mynstep ha Khasi National Dorbar Hall.
Ka NPYF kan pynlong ïa katei ka jingduwai na ka bynta ka ri bad ki nongïalam. Ha katei ka sngi u kyrtong jong ka party u Bah Ranson Sutnga uban sa ïakhun ha kane ka elekshon MLA 2023 kaban sa long ha ka 27 tarik Rymphang un sa ïadonlang.
Kumta ka NPYF jong ka 17th North Shillong Constituency ka khot bad ïawer ïa baroh ki paidbah jong ka thaiñ ba kin ïawan ban ban don ryngkat ha katei ka sngi. Kane ka long katkum u kyrwoh khubor na u Bah Abandon Lamin, Secretary jong ka NPYF 17th North Shillong Parliamentary Constituency.

Leave A Reply

Your email address will not be published.