Tura, Risaw 17: Ka Meghalaya Board of School Education (MBoSE) ka la sdang ïa ka jingrakhe dap 50 snem da ki prokram bapher bapher ka ban long lai sngi lynter naduh ka 17 tarik Risaw haduh ka 19 tarik Risaw.
Ban rakhe ïa kane ka lyngkhuh snem ba 50, u Director (Administration), Tura ula pynbna ïa ki prokram ba kynthup ïa ka PPL Presentation halor ka “Milestone of MBoSE’ pyllait ïa ka souvenir, ka jingïakop kyntip bad kiwei kiwei ki prokram na la tynrai ban ïashim bynta da ki khynnah na ki skul bapher bapher.
Kane ka jingrakhe balai sngi ka la sdang da ka rally ki thuk thuk na ka campus jong ka MBoSE, Tura ha ka por 9:15 baje mynstep ïa kaba la ïashim bynta da ka NH51, ki Nongtrei ka MBoSE bad ki skul bad la pynkut pat ha Green Haven, New Tura.
Ha ka sngi ba-ar jong ka jingrakhe, u Symbud Myntri Rangbah Bah Sniawbhalang Dhar un leit ban ïïashim bynta kum u Kongsan ha ka jingïadonlang u Myntri ka tnad pule puthi Rakkam A Sangma, u Commissioner & Secretary ka Tnad Pule puthi bad kiwei kiwei.
Ha ka sngi balai ka ban dei ka sngi pynkut kata ha ka 19 tarik Risaw, u Myntri Rangbah ka Jylla u Conrad K Sangma un long kum u kongsan ha ka jingïadon lang u Myntri ka tnad pule puthi uRakkam A Sangma, u Chief Secretary Bah DP Wahlang bad kiwei kiwei.
