Khliehriat, Rymphang, 27: U Branch Manager jong ka Canara Bank Khliehriat Branch, u Hemkholen Touthang hynnin ka Lah Sngi u Blei u la aiti ïa ka Cheque kaba T 20 lak ha ka Principal jong ka skul Saraswati Vidya Mandir (SVM), Kongong East Jaiñtia Hills District ka Kong Jandashisha Sungoh.
Kane ka jingnoh jingïarap ka dei lyngba ka Corporate Social Responsibility (CSR) jong ka Canara Bank.
Haba kren ha ka jingïalang, u Hemkholen Touthang, u la ong ba kane ka jingnoh jingïarap kaba T20 lak ka dei na ka bynta ban shna ïa ki lai tylli ki kamra klas ha ka skul kaba don ha Kongong, East Jaiñtia Hills District.
U la ong ka pule puthi, ka jingnang jingstad ka dei kaba donkam bha ban kyntiew ïa ka ri, ki khynnah ki dei ka lawei jong ka ri, ka dei ïa ngi ba ngin don ka jingkitkhlieh ban ïada bad ban kyntiew ïa ki khynnah.
U la kren ruh halor ka jingdonkam ban don ki nonghikai kiba tbit ban dup lah ban kyntiew shuh shuh ïa ka imlang ka sahlang, ban wanrah ki jingkylla, ban pynurlong ïa ki jingthmu ba bha jong ki khynnah ban saiñdur ruh ïa ka longbriew man briew jong ki khynnah.
