Shillong, Rymphang 01: Ka jingïalehkai jong ka lympung 1st DIVISION Football League 2023-24 ba la pynïaid da ka Shillong Sports Associaton hapdeng ka Lawsohtun SC pyrshah ïa ka Mylliem SC ha madan SSA Ground ka la jam sha kaba kut ha kaba ka Mylliem SC ka la khur jingjop salit da shi kol.
Haba phai sha ka jingïakhun kaba la sdang naduh ka por 2:45 baje nohphaisngi, ka la long kaba ïakhaid hynrei dei ka Mylliem SC kaba la ïoh ban pynkhihjar lyngba u Donbok Majaw ha ka 22 minit jong ka kylla step.
Haduh kaba kut ym shym la don shuh ba lah ban pynkhihjar kaba la pynlong ïa ka Mylliem ban khur ïa ka namjop.
