Nongpoh, Rymphang 01: Ka Hynñiewtrep Youth Council Ri-Bhoi Sepngi mynta ka sngi ka la pynkup burom ïa u wei na ki rang ïalehkai phutbol jong ka Ri-Bhoi u Samla Stephan Ranee uba dei naka thaiñ Ri-Bhoi Sepngi u ba la don bynta bad ka kynhun ïalehkai ka Ri-Bhoi kaba dei ruh ka kynhun lahduh haka 5th Meghalaya Games ka ba dang shu dep long shen ha Tura.
Ïa katei ka jingïalang pynkup burom jong ka HYC la pynlong ha ïingdorbar Patharkhmah bala pynkup burom da u Bah RC Thangkhiew Vice President ka HYC Ri-Bhoi District haka jingdonlang u Bah Petalman Thangkhiew Sordar ka shnong Patharkhmah, Bah Sintalis Syngkli Secretary, Samla Remington Syngkli President ka Patharkhmah Youth Club bad kiwei kiwei.
Naka liang ka seng ka la pynpaw ka jing sngew sarong ban don kum kine ki samla don sap ki ba ju wanrah nam ïa ka shnong ka thaw bad ïaka district bad ka la kitbok kit rwiang ruh ïa u ne u samla ba un dang kiew shaphrang bad iai paw ha ka kam ïalehkai football, naka liang ka seng HYC Ri-Bhoi Sepngi ka la ai khublei kyrpang ruh ïaka RBDSA naduh u Bah RB Shadap President kiba la ailad ïa u ne u samla ban mih khmat na Ri-Bhoi District ha ka Meghalaya Games ka ba san naka liang ka seng ka la ai khublei ruh ia ki coach bad ki staff jong jong ka RBDSA bad kyrmen ba shakhmat ruh kin dang ioh sei shuh ki khlur ïalehkai ki ban wanrah nam bad burom ïaka district hi baroh kawei.
