1477.76 kilo u Ganja thang ki Pulit ha pajwa Star Cement

0

Khliehriat, Risaw, 09: Ka tnat Pulit jong ka East Jaiñtia Hills District ha ka sngi Saitjaiñ ka la thang ingkhong haduh 1477.76 kilo u Ganja ha ka pajwa saiñ dewiong jong ka Star Cement ha Lumshnong, East Jaiñtia Hills District kum shi bynta ka jingrakhe ïa ka ‘National Wide Drugs Disposal Day.’
Kane ka pajwa ba la thang ingkhong ïa u Ganja ha ka karkhana dewbilat ka don ïa ka jingkhluit kaba haduh 1300 Degree Celsius.
U Ganjan u dei uba la ïoh kurup da ki Pulit jong ka Nongpoh Police Station ha kaba la pynngat kyndon hapoh ka case No (i) 81(03) 2018 (ii) 45(10) 2020 (iii)151(11) 2021 (iv)152 (11)2021.
Ha ka jingthang ingkhong une u Ganja la sakhi da u Deputy Inspector General of Police (DIG) Eastern Range u DNR. Marak, u Superintendent of Police jong ka East Jaiñtia Hills District u Jagpal Singh Dhanoa, u Superintendent of Excise jong ka Ri-Bhoi District, u Additional Superintendent of Police jong ka East Jaiñtia Hills District u Bah B.Jyrwa u Deputy Superintendent of Police (Dy.SP) Khliehriat u bah Jersom Mairom.
La sakhi ruh ïa kane ka jingthang ingkhong ïa u Gangja da u Myntri ka tnat Kam Pohing ka Sorkar India u Amit Shah lyngba ka Live Video ha ka jingïalang jong ka Regional Meeting on Drug Traffiking and National Security kaba la long ha nongbah Guahati, Assam ha kaba la ïa don ryngkat lang ruh ki Myntri Rangbah, ki Chief Secretary, ki Director General jong ki jylla ka thaiñ Shatei Lammihngi.

Leave A Reply

Your email address will not be published.