100% ladep ka SIR ha Umroi Constituency bad khmih lynti ban dep mynta ka sngi baroh ka Ri-Bhoi

Nongpoh, Naitung 28: Hadien ka jingtrei shitom jong ki ophisar hapoh ka jingbthah jong u District Election Officer, ka Ri-Bhoi District kala nang jam shaphrang ha kaba ïadei bad ka jingpyntreikam ïaka Special Intensive Revision, bad kumba long mynta ka Umroi Constituency ka dei kaba lamkhmat ha kaba la lah ban pyndep 100% ban digitised ïaki Enumeration Form bad khmih lynti ruh ba lashai ka 29 tarik Naitung 2026 yn lah ban pyndep lut 100% ha baroh ki constituency ka Ri-Bhoi District.
Kumba long haduh mynta ka jingsam ïaki Enumeration Form kala kot 100% ha baroh kawei ka district, katba ki form bala dep digitised la poi kumba 98.29% bad la bthah ruh ïa baroh ki ophisar ba kin pynneh kajuh ka rukom trei shitom khnang ba yn lah ban pyndep lut haka por ba biang.