Nongstoiñ, Naitung 28: Kum shi bynta ban pynpaw ïa ka jingai jingkyrshan ïa ki samla pule ka Ri India, ban ïasnohkti lang ïa ka jingïakhih ki samla pule halor ka jinglait tuh ki jingkylli exam NEET, ka jingleh tohmet bad shah pynmynsaw ki samla pule ha kylleng ka Ri India, na ka liang ka West Khasi Hills District Congress Committee hynnin ka janmiet sngi ka la pynlong da ka jingïalang paidbah ha Nongstoiñ ryngkat ka jingthang Mombati.
Ïa katei ka jingïalang ba la pynlong hapoh sor Nongstoiñ, ha kaba la sakhi ruh ïa ki paidbah na kylleng ka sor Nongstoiñ kiba la mih ryntih kum ka dak ka jingai jingkyrshan ïa ka jingleh jong ka seng Congress.
Bun ki longkmie bad rangbah ki la wan shakhmat ban ïasnohktilang ban thang ïa u Mombati ban sngewlem na ka bynta ki samla pule jong ka Ri, kiba la jop ruh ïa ka jingïakhih kat haduh ba la lah ban phah hiar shuki ïa u myntri ka tnad pule puthi ka Ri India.
U Bah Eric Kharsyntiew President ka seng Congress haba ai jingkren, u la ong ba wat haba ka lah dier por. Hynrei ka phang kaba hakhmat jong ka seng Congress kam dei na ka bynta ka seng, hynrei ka dei ka bynta kaba kongsan na ka bynta ki samla ka Ri India hi baroh kawei.
Kane ka jingmih jong ki paidbah ka pynpaw ba ka West Khasi Hills District ruh ka don ka ka mynsiem ban kyrshan na ka bynta ka lawei ki samla da kaba ieh shadien ban klet noh ïa ka jingsngew party ne politics, u la ong.
