Yn wan plie u Myntri sorkar pdeng ïa ka Agriculture College

0

Shillong, Kyllalyngkot 03 : U Myntri ka Tnad ka rep ka riang ka Sorkar Pdeng u Narendra Singh Tomar, un wan plie paidbah ha ka 5 tarik Kyllalynngkot ïa ka College of Agriculture ha Kyrdemkulai bad ia ka Krishi Kumbh Mela ha ICAR, Umiam.
U Tomar un wan poi ha Kyrdemkulai ha ka 4 tarik Kyllalyngkot bad un sahmiet ha kane ka jaka shuwa ban plie ïa ka College of Agriculture bad ban ïasyllok bad ki paid nongrep ha kane ka jaka pule.
Hadien kane, u Tomar un leit sa sha ICAR, Umiam ban plie ïa ka Krishi Kumbh Mela shuwa ba un mih ban leit pat sha Pasighat, Arunachal Pradesh.
Ha kane ka jaka, u Tomar un plie ïa ka Administrative & Academic Building bad ïakynduh ïa ki paid nongrep.
Ha ka sngi kaba bud, u Myntri un leit ïuhkjat sa ha Julukie, Nagaland ban plie ïa ka Academic Block ba thymmai jong ka College of Veterinary Sciences and Animal Husbandry, Julukie.

Leave A Reply

Your email address will not be published.