Shillong, Rymphang 20 : Ka Congress ka pyntip ba u Nongïalam ka seng, u Rahul Gandhi un sa wan ïalap elekshon ha ka 22 tarik mynta u bnai ha Madan Malki, Shillong.
ïa katei la pyntip da u MP naka jylla Assam u Gaurav Gogoi ha ba ïakren bad ki nongthoh khubor hynne ka sngi ha Congress Bhavan, Shillong.
U Gogoi ula ong, ba u Rahul Gandhi un wan poi ha nongbah Shillong bad ha ka 22 tarik (Sngi Balang) un leit ban ïalap elekshon haka jingïalang jong ka seng Congress ha Madan Malki ha ka por 10 baje mynstep.
Kane ka jingwan ïalap elekshon u Rahul Gandhi ka dei shi bynta ban pan ïaka jingkyrshan na ki paidbah ka jylla ba kin jied ïa ki kyrtong bad ïa ka Congress ha ka elekshon MLA kaban long haka 27 tarik mynta u bnai.
