Yn shimti i Kong R.M Kurbah kum ka DC East Khasi Hills
Pynkynriah kam ka sorkar iaki IAS Ophisar
Shillong, Lber 20 : Ka Sorkar Jylla mynta ka sngi kala pynmih ïa ka hukum pynkynriah kam ïa ki IAS Ophisar kiba bat ïa ka shuki Deputy Commissioner bad ka la thung ïa I Kong Rosetta Mary Kurbah kum ka Deputy Commissioner (DC) ba thymmai ka East Khasi Hills District.
I Kong Kurbah ila bat teng kum ka Deputy Commissioner ka Ri-Bhoi bad East Jaintia Hills District. I Kong Kurbah in shimti ïa ka shuki DC ka EKH na u SC Sadhu uba la shah pynkynriah kum u Director ka Tnad Community & Rural Development ka Jylla.
Kat kum ka jingpynbna, u Sadhu un trei ruh kum u Secretary ka Tnad Community & Rural Development bad ka Water Resources Department.
U Jagdish Chelani, IAS (RR: 2018) uba dei u Deputy Commissioner barim ka East Garo Hills District, Williamnagar ula shah pynkynriah ban shimti ïa ka shuki Deputy Commissioner ka West Garo Hills District, Tura.
Katba u Swapnil Tembe ula shah pynkynriah kum u Joint Secretary ka Tnad Education bad Director ka School Education & Literacy bad Special Project Director, SSA.
U Vibhor Agarwal, IAS (RR: 2019) ula shah thung kum u Deputy Commissioner ka East Garo Hills District, Williamnagar.
U Bah G. Kharmawphlang, IAS (SCS: 2014), Deputy Commissioner, South West Garo Hills District, Ampati ula shah pynkynriah kum u Deputy Commissioner, Eastern West Khasi Hills District, Mairang bad ïa u Bah W. Nongsiej, IAS (SCS: 2011), Deputy Commissioner, Eastern West Khasi Hills District, Mairang la pynkynriah kum u Secretary ka tnad Prisons & Correctional Services Department.