Yn shim bynta 14 tylli ki skul jong ka Mawlai ha ka 1st Mawlai Inter School Athletics & Literary Competition 2026

SHILLONG, Naitung 17: Haduh 14 tylli ki skul jong ka Mawlai kin sa ïashim bynta ha ka 1st Mawlai Inter School Athletics & Literary Competition 2026 ka ban long naduh ka 23 tarik u Naitung haduh 07 tarik u Nailar 2026.
ïa kane ka 1st Mawlai Inter School Athletics & Literary Competition la pynlong da ka Mawlai Games & Literary Association.
Ha kane ka lympung ki nongpynïaid kin pynlong ïa ki jingïalehkai athletics bapher bapher ba la phiah ha ka kyrdan Under – 14, Under – 16 bad Under – 18.
Nalor kate kin don ruh ki jingïakop ha ka Literary & Art Competion kiba kynthup ia ka Debate, Quiz, Spelling B, Public Speaking, Poetry Writing, Essay Writing, Drawing, Painting bad ka Science Exhibition.
Ki 14 tylli ki skul ki ban ïashim bynta ha kane ka 1st Mawlai Inter School Athletics & Literary Competition ki long ka Church of God ECCLESIA Higher Secondary School, Ka Christ Church Secondary School, ka Grace Academy Secondary School, Mawlai Umshing, ka Grace Care Academy Secondary School, Mawlai Nongkwar, ka Mawlai Christian Night Secondary School, ka Mawlai Presbyterian Higher Secondary School, ka MayQueen Secondary School, ka Mount Carmel Secondary School, ka Shullai Progressive Secondary School, ka SKC Secondary School, ka Stephen Memorial Higher Secondary School, ka St. Francis D. Assisi Higher Secondary School, ka Sunrays Secondary School baf ka Umrynjah Presbyterian Secondary School.