Yn sam khusnam ka Seng Kur Dkhar Sawkpoh sha ki khun samla kiba pass bha

0

Shillong, K’lyngkot : Ka Seng Kur Dkhar Sawkpoh, HQ Shillong da kane ka pyntip ba ka Durbar Pyllun kaba 22 kan long ha ka 14 tarik mynta u bnai ha ka por 11 baje mynstep ha Lamjingshai Youth Centre jong ka Balang Presbyterian, Pohkseh.
Ha kane ka Durbar yn don ruh ka jingpynkup burom bad ka jingai khusnam sha ki khun samla jong ka kur kiba pass bha ha ki jingpule bapher bapher, kata naduh ka matrik haduh ka kyrdan PhD/Doctorate.
Nalor kane kan don ruh ka prokram kaba kyrpang bad kaba kongsan na ka bynta ki khun samla, kata kum ka jingïakren lang ne ka jingïamir jingmut lang halor ka phang; “Ki lad wad kam wad jam, seng kam seng jam bad ka trei ka ktah’ katkum ka juk kaba mynta,” ïa kaba yn ïalam da u para kur hi u Bah Samuel Sawian uba la ïoh ïa ka khusnam halor kane ka bynta na shabar jong ka ri.
Kumta la kyrpad ïa ki para kur kiba don ha ka rilum Khasi bad Jaiñtia ba kin ïa poi ryntih baroh lang ha ryngkat ki khun samla na ka bynta ka lawei ka Kur ha ka imlang ka sahlang. Kane ka long katkum u kyrwoh lyngba I GM Phanbuh General Secretary.

Leave A Reply

Your email address will not be published.