Yn pynlong ïa ka jingïalehkai kynjatbol jong ki rangbah ba la 40 snem shaneng ha Mawten

Mawkyrwat, Risaw 05: Ka Veteran Football Committee jong ka Mawten Sports Club kan pynlong biang ïa ka jingïalehkai kynjatbol kaba dei na ka bynta ki Rangbah kiba la kynjoh ïa ka 40 snem shaneng ha kane kane kan sdang ha ka 23 tarik u Risaw, 2023 ha ka Madan Mawpyllun, Mawten kaba tang 1 km na Mawkyrwat, South West Khasi Hill District bad 75 km na Shillong.
Ka khusnam ha kane ka jingïalehkai ka long T. 1,00,000 tyngka bad ka bai rung ka long T. 5,000 tyngka. Yn pdiang 16 tylli ki kynhun (kiba kloi shwa yn pdiang shwa) kiba najan bad na jngai la ka long ki kynhun jong ki riew shimet bad ki club kumjuh.
Kumta ka Mawten Sports Club ka khot ka wer ïa kiba kwah ban ïashimbynta ha kane ka lympung ba kin wad kham bniah da kaba phun ha u nombar – 94361-73745/94025-52012.