Yn pynkylla ka Sorkar ïa ka Excise Rule ban ïoh lum khajna sa T.50 klur na ka Kyiad

Shillong, Risaw 31 : Ka Sorkar Jylla ha ka sngi Ba-ar, ka la mynjur ban pynkylla thymmai ïa ki kyndon ka Meghalaya Execise Amendment Rules, 2021 ha ka ban pynïabynta thymmai biang (re-classified) ïa ki Brand jong ki kyiad khnang ban pynthikna ba ka Tnad Excise kan ïoh lum khajna bynrap (additional) sa T. 50 klur na ka Kyiad.
ïa kane ka rai la shim ha ka jingialang jong ka Kynhun Myntri kaba la pynïaid da u Myntri Rangbah ka Jylla u Conrad K sangma.
Haba iakren bad ki nongthoh khubor, u Myntri Sorkar Marcuise N Marak ula ong “Ki don bun jait ki brand jong ka kyiad hapoh ka Jylla jong ngi bad ngi hap ban pynïabynta biang ïa ki ban ïoh lum khajna kham bun. Mynta, ngin don noh tang 5 jait ha ka jaka hynriew jait”.
Ula ong ba ka khajna excise duty la khmih lynti ba kan kiew da 15% bad ba ka Jylla kan ïoh shuh shuh ïa ka khajna sa T.50 klur ha ka shisnem. ïa mynta,ka jingïoh lum khajna na ka kyiad ka long T. 350 klur shisnem.
U Commissioner & Secretary ka Tnad Excise Sanjay Goyal ula ong ba ka jingïoh lum khajna jong ka Tnad ha kine ki san snem bala leit noh, kala kot ïa ka T.1200 klur.