Khliehriat naiwieng 29: Ka Seiñ Kur Dkhar Wapung Circle, East Jaiñtia Hills District ka pynbna ba kan sa pynlong ïa ka prokram kaba kyrpang ha kaba yn pynkup burom ïa ki khun samla jong ka kur kiba pass bha ha ki exam bapher bapher bad ïa kane ka prokram yn pynlong ha ka 30 tarik u nohprah 2023, ha ka shnong Mookhep ha ka por 10 baje mynstep.
U President jong ka Seiñ Kur Dkhar, u bah Shaniahskhem Dkhar, ula pynshai ba kane ka jingpynkup burom kadei tang na ka bynta ki khun samla jong ka kur kiba hap hapoh ka Wapung Circle kiba kynthup kito kiba na ka shnong Jalyiah, Khlieh Myntriang, Wapungskur, Wapungshnong, Pamrapaithlu, Pamrakmai, Mokhep, Iongkaluh, Sohkymphor bad ka Lum Mulieh.
La ong ruh ba ki samla kur ki ban shah pynkup burom ki dei tang kito kiba kynjoh 75 percent shaneng ki marks ha ka SSLC bad HSSLC,bad ïa ki Graduate , Master ki dei ban kynjoh 60% shaneng katba na ka bynta ki Professional Course ba kynthup MBBS, Lawyer, Engineering bad kiwei.
Ka Seiñ Kur ka kyntu ban pynpoi ïa ki marksheet, ka Certificate bad Residential Certificate hapoh ka 20 tarik u bnai Nohprah 2023 ha u bah Francis Dkhar, na ka bynta ki jingtip ba kham bniah lah ruh ban phone ha u number 8787777629; 6909 410 432; 69090 19993.
