Yn plie u myntri rangbahduh ka ri ïa U Logo, Theme bad Website na ka bynta ka jingïalang jong ka India’s G20 Presidency ha ka 8 tarik

0

Shillong, Naiwieng 8 : U myntri rangbah duh ka ri U NarendraModi un sa plie paidbah ïa u logo ne ka shap, ka theme ne matpdeng bad ka website jong ka jingïalang India’s G20 Presidency ha ka 8 tarik U Naiwieng 2022 ha ka por 4:30 janmiet lyngba ka video conferencing.
Ka shap, ka matpdeng bad ka website kin pyni ïa ka jingïohi jngai jong ka India bad ki thong kiba khraw kiba don ha khmat eh na ka bynta ki snem ban wan. Ka India kan sa pynlong ïaka jingïalang jong ka G20 Presidency naduh ka 1 tarik u Nohprah, 2022, bad lam khmat ha ki jingïatai kiba ïadei bad ki jingeh ha kine ki sngi.
Kane ka jingïalang jong ka G20 2023 Summit kaban sa long kan long kaba kyrpang bad ka kabu kaba khraw na ka bynta ka India ban pyni ïa ka jingaiti jong ka bad ka jinglam khmat halor ki mat kiba kongsan ha ka pyrthei baroh kawei. Ha ka jingïalang jong kane ka Presidency, ka India kan pynlong haduh 200 tylli ki jingïalang ha ki 32 tylli ki jaka pynlong jingïalang kiba don ha ki bynta bapher bapher jong ka India, bad kan pyrshang ban ïoh ïa ki jingïamynjur lang ïa ki lad ki lynti ban ïaleh pyrshah ïa ki jingeh ba bun ha ka pyrthei.
Ka G20 kadei ka jingïalang kaba heh bha na ka bynta ban ïoh ïa ka jingïatreilang ki ri ka pyrthei ban kyntiew ïaka ïoh ka kot kaba long kumba 85% jong ka GDP ka pyrthei, palat 75% jong ka jingïakhaïi ha ka pyrthei, bad kumba ar na ka lai bynta jong ka jingdon paid ha ka pyrthei. Ka jingïalang jong ka G20 Summit kaba yn sa pynlong kan dei kawei na ki jingïalang kaba khraw ïa kaba yn sa pdiang da ka India.

Leave A Reply

Your email address will not be published.