Yn ïakren ka Executive Committee ïa ka Clan Bill shwa ban rah ha ka Dorbar Tlang: Pyniaid

Shillong, Nohprah 12: U Chief Executive Member jong ka Khasi Hills Autonomous District Council (KHADC) u bah Pyniaid Sing Syiem la ïathuh ba ka Executive Committee kan ïa shong la shai ka sngi ban ïa kren bniah ha kaba ïadei bad ka Clan Bill, 2020 ban wanrah ïa ka ha ka Dorbar Tlang ban sa sdang ha ka 20/12/2023.
Haba kren ha ka jingïalang pynlait kali ki niut kaba la long ha madan ïing Syiem Hima Khyrim , la ong ba ïa ka Clan Bills, 2020 la pynshong nongrim halor ka tip kur tip kha, kumba ka long mynta ki don palat ïa ka 3000 tylli tam ki kur hapoh ka jaidbynriew khasi haduh mynta.
U CEM jong ka KHADC u la ong ba ynda la ïoh ban long aiñ kane ka Clan Bills ki kur ki dei ban don noh la ki jong ki jong ki seng kur bad na ka liang jong ka KHADC kan sa ai ïa ka jingbthah ban leh ïa kane na ka bynta ban pynkhlaiñ ïa ki kur, ha la ki kur ki kur da kaba ïatreilang.
Na ka liang jong u bah Pyniaid Sing Syiem ruh mar ïa shimtim kum u CEM ka KHADC u la shim khia halor kane ka Bills ban peit bniah biang bad la shai ka sngi kin ïakren hapoh ka EC shuwa ban rah sha ka ïing dorbar ban ïoh ïa ka jingmynjur ka ïing dorbar bad ban phah sha u Lat ban ïoh ïa ka jingmynjur ba kan long aiñ noh.
ïa ka Clan Bills la pdiang da ka ïing dorbar ba jong ka KHADC ha u snem 2020 bad la phah sha u lat ka jylla hynrei la pynbha biang ïa ka sha ka KHADC ryngkat ki jongkynthoh bad ki la phah biang sha u Lat ka jylla ha ka por ba long CEM jong u bah Titosstarwell Chyne hynrei la pynphai biang ïa kane ka Bills.