Yn ïaknieh namlahduh ka Mukhla Umlangchor bad Madan Kynsaw Mawkyndeng ha ka 3rd Division jong ka WJDSA

Jowai, Nailar 21: Ka kynhun ïalehkai jong ka Mukhla Umlangchor bad ka Madan kynsaw Mawkyndeng mynta ka sngi kila ïoh ban rung sha ka jingïakhun phianal jong ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) ha madan Kiang Nangbah Stadium, Dongmihsngi Jowai.
Haba phai sha ka jingïakhun Semi Final mynta ka sngi haka jingïakhun ba nyngkong ka Mukhla Umlangchor kala lah ban pynliem da 1-0 kol ïa ka Madan Thadmuthlong, ïa kane shikol na Mukhla Umlangchor la thep da u Ovenson Symblai haka minit ba 57.
Katba ha ka jingïakhun Semi Final ba ar ka Madan kynsaw Mawkyndeng ruh kala pynliem da 1-0 kol ïa ka Moodop Royal, ïa katei ka sngi kol na ka Madan kynsaw Mawkyndeng la thep da u Cornilius Suchiang ha ka minit ba 34.