Shillong, Kyllalyngkot 6 : Wat la ka BJP kam pat pynbna ïaki kyrtong jongka hynrei na kawei ka sngi sha kawei ka sngi ki la nang paw ki kyrtong jongka. Mynta la ïoh jingtip ba u bah David Kharsatia, MDC ba rim ka Sohryngkham bad Vice President ka BJP un ïa aireng kum u kyrtong jongka party naka Nongthymmai Constituency.
La ïathuh ba ïa ki kyrteng jong ki kyrtong na kito ki constituency kiba ym don ka jingïaknieh tiket ka BJP kan sa pynbna noh shen ha kine ki khyndiat sngi.
U bah David Kharsati haba ïakren bad u nongthoh khubor u la pynthikna ba ka BJP kan pynïakhun ïa u na ka Nongthymmai Constituency ha kane ka election MLA 2023 pyrshah ïa u kyrtong ka TMC u bah Charles Pyngrope uba dei ruh u MLA ka Nongthymmai.
