Nongpoh, Risaw 12: Ka IIMPRENEUR kaba dei ka prokram lamkhmat jong ka T.I.M.E haka jingïatreilang bad ka ophis u Deputy Commissioner ka Ri-Bhoi District hapoh ka ‘Chief Minister’s Youth Development Scheme’ kan sa pynlong ïaka prokram ai jinghikai ei ba 1 bnai lynter ïaki samla jong ka dong Ri-Bhoi ban pynkhreh ïaki eksamin thep kam bapher bapher kum ka Pre Coaching naka bynta ka CAT 2025, IIMs, Bank/SSC/DSC/MPSC bad kiwei kiwei ki kam sorkar.
San ngut ki samla kiba kham stad kin ioh ka jinghikai ei naka bynta ka CAT 25 bad 5 ngut kin ioh ka jinghikai ei naka bynta ban pynkhreh ïaki eksam kam sorkar ha TIME Shillong.
Kane ka prokram ai jinghikai kan sdang naduh ka 15 tarik Risaw haduh 13 tarik Naiwieng 2024.
