Shillong, Risaw 12: Ka Martin Luther Christian University ka la pynlong ïa ka prokram kaba kyrpang ban rakhe ïa ka World Mental Health Day, kaba la pynlong ha Herman Hall, Divine Saviour Parish, Nongthymmai. Ïa kane ka prokram la pynlong da ka tnat Psychology & Wellbeing hapoh ka jingïatreilang bad ka Department of Education bad ka Centre for Counseling, ha kaba phang jong kane ka jingrakhe kadei “It’s Time to Prioritize Mental Health in the Workplace.” Ha kane ka prokram ka thmu ban pynshai halor ki kam ba dei bad ki bor pyrkhat ha kaba ka long kaba kongsan ban ïoh ki lad jingsumar ha ki jaka trei.
Ïa kane ka prokram la sdang da ka kyntien ai khublei na ka kong Aliscacia M Swett, Deputy Registrar jong ka university, kaba la ai ruh ka jingkyrshan na ka bynta ki jingdonkam ki lad jingïada ha ki jaka trei. Ha kaba la pynbud sa ka jingïalehkai da ki samla pule ka B.Sc. kaba la pynshitrhem ïa kane ka sngi. Ïa ki kyntien lamphrang la ai da ka Olivia A.I. Bang, ka advocate ha ryngkatlang bad ki paralok jong ka, kaba la batai halor ka jingdonkam ban leit phah khmih bniah haba ïadei bad ka koit ka khiah ka bor pyrkhat ha ki jaka trei.
Ïa kane ka prokram la bteng da ka jingïasyllok ba la ïalam da Dr. T K Kharbamon, Vice-Chancellor bad Dr. George Kallingal, Clinical Psychologist kiba la ïathuh shaphang ka jingïadei kaba ïajan hapdeng ka mynsiem, ka jingim ki khun bynriew bad kumjuh ka bha ka miat ha ki jaka trei. Ïa ka jingïasyllok kaba khatduh la ïalam da Counselor Maryobiang Pyrtuh, ba la kren ruh halor ki jingshah ban ka jingmut jingpyrkhat hapoh ki jaka pule bad kiwei kiwei. Manla ki jingïaphylliew jingmut ki la kut da ki jingkylli bad jubab ha kaba kiba ïashim bynta ki la ïoh ka lad ban pynpaw ïa ki jingsngewkhia kiba ïadei bad ki kam ka koit ka khiah ha ka bor pyrkhat bad kumno ban shim ïa ki rai. Ha kane ka sngi ki la don ki prokram kum ki jingshad bad kiwei ki prokram pynkmen ïa kiba shim bynta.
