Shillong, Nailar :Ha kaba ïadei bad ka case No. 01/2023 Date 01/01/2023 Shillong Sadar PS, na ka liang u EO ka Sadar Police Station u pyntip ba ha ka 25.11.2022 ki pulit ki la lapdien ïa uwei u briew bym lah ban ithuh uba don hapdeng ka jingbym tip briew uba thiah lyngktar hapoh parling lot ha Polo bad ïa uba la pynkynriah noh mardor shapoh Civil Hospital, Shillong na ka bynta ban aijingsumar.
Hynrei ha ka 02.12.2022 ha ka por kumba 9:20 am une u briew u la khlad noh hapdeng ka jingshah sumar. Hadien ba la pyndep ïa ki jingdonkam baroh na ka bynta kane ka metïap la pynkynriah noh ïa ka met sha ka jaka buh metïap jong kane ka hospital na ka bynta ka jingpynithuh.Une u briew bym lah ban ithuh u don ka rynieng kumba 5 phut, uba met raikhoh bad don tmain rit bad ka tatto “Sword” jyrngam ha ka kti ka diang.
