Nongpoh, Nailar 14: Wat hadien ba ki paidbah kila ioh ban ïakren markhmat bad ka EM ka tnad Forest ka KHADC ka kong Macdalyne Mawlong bad ki ophisar ka District Council halor ka jingshah pynjulor ki jingthung jingtep dang shen, ki paidbah kila pynpaw ka jingbym hun halor ka jingwan kitei ki briew ka District Council namar ka jingbym ioh ban kren bha bad pynpaw ka jingshisha. Haba kren sha ki lad pathai khubor hadien ka jingïalang ki paidbah kiba la ngat haka jingshah pynjulor ki jingthung jingtep kila pynpaw ba katei ka jingkynduh kam ai jinghun satia ïaki bad ka kam ba ki briew ka district council kila leh haka 3 tarik mynta u bnai. Shuh shuh kila kynnoh ruh ba kala don ka jingbyrngem ruh ïaki paidbah da ki briew ka District Council kiba trei ha Lailad Beat House bad ki dawa ïaka jingpynkynriah kam noh ïa kitei ki nongtrei na katei ka jaka bad ban wanrah pat da kiba thymmai.
