Shillong, Nailar 14: Ka khubor ba la ïoh na ki pulit la ïathuh ba u Purushottam Sharma u la phah ka jingujor ba ha ka step jong ka 8 tarik mynta u bnai, ki runar bym lah ban ithuh ki la tuh ïa ka Maruti Eeco van jong u kaba don u nombar ML-05-8792 na Jhalupara, Shillong.
Ha kawei pat ka jingjia ki pulit ki la ïathuh ba u Abhijeet Anand u la phah ka jingujor ba ha ka 30 tarik u Naitung, 2024 ha ka por kumba 10 baje mynstep, ki runar bym lah ban ithuh ki la tuh haduh 48 tylli ki battery cell kiba shongdor kumba T. 1.95 lak napoh u tower uba don hapoh ka shnong Riangdo (WKH).
Shuh shuh ki pulit ki la ïathuh ba kawei ka longkmie ka la phah ka jingujor ba ha 15 tarik u Jymmang 2024 ha ka por kumba 5 baje janmied, uwei u briew ba la shah kynnoh da ka kyrteng u F. Lamurong u la tuh ïa ka mobile phone jong ka bad u la byrngem ruh ïa ka ban pynshitom.
