Shillong, Lber 06 : Ka North East India Fellowship of Charismatic Churches, Meghalaya ka la khot la wer ïa ki paidbah sha ka jingïaseng ïalap bad ka jingduwai ïa kiba pang ba shitom ba tip kum ka Joy in the City kaban long ha madan Malki naduh ka 07 – 10 tarik mynta u bnai.
Haba pynbna ïa kane, u President ka NEIFCC u Apostle RR Khongkrom u la ïathuh ba ka jingïaseng ïalap ha ka sngi Palei haduh sngi Saitjaiñ kan long ha ka por 5:30 baje janmiet. Katba naduh Sngi Thohdieng haduh Sngi Saitjain naduh ka por 9:00 baje mynstep haduh 1:00 baje mynsngi kan dei ka jingai jinghikai.
Shuh shuh la pynbna ruh ba ha ka sngi u Blei pat ki jingïaseng ïalap kan long ha ka por 10:00 baje, 1:30 baje bad ha ka por 6:00 baje janmiet.
