Shillong, Risaw: Ka Seng Forever Young ha u kyrwoh lyngba u Bah M Thabah General Secretary da kane ka pyntip ba ka Seng kan pynlong biang ïa ka ‘Shillong Wine Festival’ kaba khatphra jong ka ha ka 12 tarik u Naiwieng 2022, ha ka phyllaw jong ka Meghalaya Bharat Scouts and Guides, Shillong naduh ka por shi baje nohphai sngi. Kumta la khot bad wer sngewbha ïa baroh ki nongshna waiñ da u soh jong kane ka jylla ban wan ïashim bynta.Kumjuh la kyntu ïa kine ki nongwan ïashim bynta ba kin hap ban ïoh ïa ka ‘Food Safety and Standards Authority of India certificate’ na ki bor ba dei peit khnang ba ki lah ban wan ïashim bynta.
