Shillong, ïaïong, 26: Ka Don Bosco Technical School (DBTS) Shillong ha ka snem rakhe Centenary, ka sngewkmen ban pyntip ba kan don ka jingïakynduh jong ki khynnah kiba la pule ha Don Bosco, Shillong naduh u snem 2010 haduh 2022 (Pass Pupils Meet 2010 – 2022 Batch) ha ka 6 tarik, Jyllliew 2023 naduh ka por 4:30 janmiet.
Kumta la khot bad wer ïa ki khynnah pule barim ban wan ïashim bynta, ban ïa kynduh biang ïa ki paralok skul, ban phaidien sha ki por shong skul, ban ïa mir jingmut nalor ki prokram ba la pynkhreh, ong u kyrwoh ba la phah da u Director jong ka Don Bosco Technical School, Shillong
“Khnang ban lah ban pyndep ïa ki jingpynkhreh baroh naduh ka jingïashim bynta ha ka jingïa bamja lang ngi kyrpad ïa ki khynnah pule barim ba kin sngewbha ban pynthikna ïa ka jingwan jong ki da kaba thoh bad phah ïa ka kyrteng, u snem ba ki pule bad ka shnong ba ki sah ha ki nongpynïaid,” la ong shuh shuh u kyrwoh.
