Ha kano kano ka por lah ban khyllem ki post elektrik ba la bam sarang ha Mawdatbaki

Shillong, Ïaïong 26 : Ki dkhot jong ka HYC Mawdatbaki Unit ha ka sngi Balang ka 26 tarik Ïaïong 2023 ki la leit ban jurip ïa ki post elektrik ha ka shnong Mawlai Mawdatbaki, dong Nongpathaw hadien ba ka la ïoh jingujor na ki paidbah nong shong shnong ba kitei ki post elektrik ki lah ban khyllem noh ha kano kano ka por na ka jingbam sarang.
Ha kane ka sngi ka seng ka la lap shisha ba ki ar tylli ki post elektrik kim skhem shuh kaba buh jingma ïa ki ïing kiba don marjan bad kitei ki post elekstrik. Na ka liang ka seng ka kyntu ïa ka tnad MeECL ba kan peit ban shimkhia noh khamkloi shuwa ba kitei ki post elektrik kin khyllem. Kane ka long ka kyrwoh na u Bantamdor Kharbhih, Secretary HYC Mawdatbaki Unit.