Wat haba la sangeh treikam dang siew pisa beit ka sorkar ïa ka MMDC

0

Shillong, Risaw 09: Ka sorkar jylla kat haduh mynta ka dang bteng beit ban siew pisa sha ka Meghalaya Mineral Development Corporation Limited (MMDC), jaba la sahngeh treikam la katto katne snem mynshuwa.
Baroh ki kam ki jam kiba ju pyntrei da ka MMDC ha ka jingshisha la pynsahngeh naduh u Lber 2012 bad na ka liang ka MMDC kam shym la lah ban wanrah jingmih eiei na ka jingttreikam jong ka ha u snem 2012-13 la ïathuh ka kaiphot halor ka na social and economic sector ba la pynmih da ka Comptroller and Auditor General of India (CAG) na bynta u snem mang tyngka ba kut ha ka 31 Lber 2020.
Ha ka jingpeit bniah ïa ki kot ki sla jong ka MMDC ha u Lber ha u snem ba la lah la kdew ba naduh u 2011-12 na ka liang kane ka kompeni ka la shu shaniah tylli tyllan ha ka grant-in-aid (GIA) na bynta ban siew ïa ka tulop bad kiwei kiwei kiba ka dei ban siew sha ki nongtrei jong ka naduh ki chairman bad ki vice-chairman.
La ong watla na ka liang ka kompei ka la sahngeh ban trei ïa ki kam ki jam kiba wanrah jingïohnong hynrei ka dang bteng pat ban pyllut ha ka ban siew tulop ïa ki nongtrei jong ka.
“Ha kine ki san snem ba la lah na ka jingpynlut pynsep baroh kaba kot 10.30 klur , 60.67% kaba long kumba 6.35 klur la ha ka jingsiew tulop sha ki nongtrei kaba kot 5.51 klur bad sha ki Chairman bad Vice-chairman ban siew ïa ka jingïoh jingmyntoi kaba ka ai ka sorkar ka kot 0.74 klur’ kdew ka CAG.
“Na ka liang ka sorkar kam shym la shim kino kino ki sienjam ban pynkhie im biang ïa kane ka kompeni hynrei ka shu btebng tang ban ai ki song jingïarap na ka mang pisa jong ka jylla bad kane ka wanlam ïa ka jingduh ei ka pisa na ka jylla kaba kot kumba 10.12 klur ha u snem 2015-16 haduh u snem 2019-20,” ka la kdew.
Ka MMDC ka dei ka kompeni jong ka sorkar jylla hapoh ka Companies Act, 1956 bad ka kam ba kongsan eh jonga ka ka dei ban soramin ïa ki par ba don mar poh khyndew bad ban wad ki lynti ha ka khaïi bad ban wad lad ban pynïoh ïa ki licence na ki sorkar jylla bad bad ki jingïarap pisa ha ka dur ki subsidy.
Katkum ka jingpynbna ka sorkar ha u Jymmang 2020 kane ka kompeni ka don 7 ngut ki Board of Directors ba kynthup ïa u Director & Member Secretary uba dei ruh u Managing Director uba hap peit ïa ki kam ki jam ba man ka sngi jong kane ka kompeni.
` Na ka liang ka kompeni haba mynjur ïa kaei kaba na ka liang ka Audit ka ong ha u Risaw jong u nsem ba la dep, na ka liang jong ki ruh ki pyrhsng ban pynkhie khklieh biang ïa kane ka kompeni da ai wai ïa ka khyndew kaba 7 akar sha ki riewshimet ha ka dor ba 80.49 lak ha ka shisnem bad ka joint venture ïa kane ka kompeni ruh ka dang don ha ka jingeksamin na ka sorkar.
Na ka liang ka Audit ka la kdew ba kane ka kompeni ka shu bam lut phut ïa ka pisa naduh u snem 2012 bad ka donkam ïa ka sorkar ba kan peit biang ïa kanre ka bynta da kaba ai jingmut ba ka dei ïa ka tnat ba dei peit ban tahw tdur thymmai ban pynbha ban pynïoh nong biang ïa kane ka kompeni ne ban khang noh syndon sbak lada kam i don lynti shuh ban leh kumta.

Leave A Reply

Your email address will not be published.