Wanpoi u Myntri sorkar pdeng ha kad liengsuiñ Umroi, ha ka sngi U Blei lum jingïalang ha Nongpoh

Nongpoh, Jymmang 29: U Myntri ka sorkar pdeng u ba khmih ïaka tnad Labour and Employment bad ka tnad ïalehkai sports bad Youth Affairs u Dr. Mansukh Mandaviya mynta ka sngi u la wan poi haka jylla bad hiar ha kad liengsuiñ ha Umroi Airport bala leit ruh ban pdiang sngewbha ïa u da u Myntri ka tnad ïalehkai sports ka jylla u Bah Wailadmiki Shylla bad kiwei kiwei ki ophisar.
Ha kane ka juh ka sngi naka liang ka BJP Umroi Mandal (Block) Committee ruh kala shim ïaka bynta ban leit pdiang burom ïa u Dr. Mansukh Mandaviya naduh kad liengsuiñ bad aiti ruh ïa ka dorkhas halor ki jingeh kiba ïadei bad ka jingsiew sha ki nongtrei kontrak kiba trei hapoh ki ophis jong ka sorkar pdeng bad kumjuh ruh ka sorkar jylla.
U tei u myntri un shong jingïalang bad ka ki ophisar ka tnad Sports and Youth Affairs ka sorkar jylla naka bynta ban pynkhreh ïaka National Games haka 30 tarik Jymmang ha nongbah Shillong bad haka 31 tarik Jymmang kaba dei ka sngi u Blei u la pynkhreh ban hiar sha Nongpoh naka bynta ban lum jingïalang bad ki ophisar sorkar halor ka jingpyntreikam ïaki skhim bapher bapher jong ka sorkar pdeng.