Jowai, Rymphang 08: U National General Secretary ka BJP u Tarun Chugh mynta ka sngi ula wan hiar ha Madanpynkai Nangbah kum ka dak ban ïa phylliew jingmut bad ki dkhot jong ka Karyakartas na ka 3-Raliang Mandal bad kumjuh ruh ban ai mynsiem ïa u kyrtong ka Party u ma Lakhon Biam hashwa ban un leit sha ka Scrutiny ha ophis u DC Jowai.
Ha kane ka sngi la don ka jingïalang ba lyngkot ka tei hi ka madan, ha kaba u Tarun Chugh ula pynsngew ïa ki skim bad ki project bapher bapher kiba wan na ka sorkar kmie hapoh ka jingïalam jong ka BJP. Kiwei de ki nongkren kila ai ka jingkitbok kitrwiang ïa u ma Lakhon Biam ban un ïoh ïa ka jingjop ha kane ka kynti jong ka jingïakhun MLA 2023.
Mynta ka sngi ha ka jingwan Scrutiny jong u ma Lakhon Biam la synran lang ïa u da ki nongkyrshan jong u naduh Jowai haduh shnong Nangbah.
