Shillong, K’lyngkot 06: Ka Parliamentary Standing Committee on Food, Consumer Affairs and Public Distribution ka la wan sha Meghalaya mynta ka sngi ban wad jingtip khambniah halor ka jingsam khaw reshon ha kane ka jylla.
Kane ka Committee hapoh ka jingïalam ka Chairperson ka L .Chatterjee ka la pynlong jingïalang bad ki ophisar ka Department of Food Civil Supplies & Consumer Affairs, Legal Metrology Department, Government of Meghalaya and Meghalaya State Consumer Disputes Redressal Commission (MSCDRC).
Ha kane ka jingïalang la shim jingkheiñ bha halor ka rukom sam khaw sha ki paidbah. Na ka liang ka sorkar jylla la don u Dr Shakil P Ahammed, Principal Secretary, Food Civil Supplies & Consumer Affairs, u Pravin Bakshi, Commissioner Secretary, Food Civil Supplies & Consumer Affairs bad kiwei kiwei de ki ophisar.
Hadien ka jingïalang ki dkhot ka Committee ki la leit jurip ruh ïa ka kudam jong ka FCI ha Mawlai.
