Wad ki Pulit ïa ki bahaïing u bar jylla ba shah sumar ha MIMHANS

0

Shillong,Jylliew, 21: Ki Pulit ka Laitumkhrah Police Station la lai snem tam ki la wad jingtip shaphang ki bahaing hasem jong uwei u bar jylla uba la tip kyrteng kum u Raj Sen, 36 snem ka rta u khun jong ka Shivani Sen uba la shah sumar ha MIMHANS Hospital, Shillong.
Katkum u kyrwoh ba la phah da u Superintendent of Police ka East Khasi Hills u Rituraj Ravi, la pyntip ba ki Pulit ka Laitumkhrah Police Station ha ka 8 tarik, Naiwieng, 2021 ki la ïoh ujor lyngba ka telephone ba uwei u briew u la pynkulmar ha Iew Laitumkhrah. Ha ka jingtohkit la lap ba u Raj Sen u dei uba don jingpang ha ka bor jabieng. Mar mar la ïalam ïa u sha MIMHANS Hospital ban ïoh jingsumar bad bteng ruh ïa ka jingshah sumar ha kane ka hospital.
Hynrei haduh mynta mynta, ym shym la lapdien satia ïa ki bahaing hasem jong une u bar jylla lymne ym shym la don satia mano mano ruh na ki bahaing hasem ban wan shakhmat.
Kino kino ki paidbah kiba don jingtip shaphang ka jaka sah jong ki bahaing hasem jong une u rangbah kin pyntip sha u Officer In-charge ka Laitumkhrah Police Station ha u Mobile Number: 7005284274.

Leave A Reply

Your email address will not be published.