Ujor ka HITO halor ka jingbym treikam ka MCH Jowai wat hadei 4 bnai bala dep plie

Jowai, Ïaïong 24: Ka Hynñiewtrep Integrated Territorial Organization (HITO) West Jaiñtia Hills District hapoh ka jingïalam u President u samla Wanbiang Pulang mynta ka sngi ka 24 Ïaïong kila leit ban aiti ïaka dorkhas ha ophis treikam u District Medical and Health Officer West Jaiñtia Hills u Dr. K.C. Ajar halor ka jingbym treikam ka Maternal and Child Hospital ba 100 jingthiah ha Panaliar Jowai wat hadein 4 bnai tam bala dep plie ïaka hynrei haduh mynta ka sngi ka dang khang khyrdep sah.
La ïathuh ba kane ka jaka sumat (hospital) ka long kyrpang eh na ka bynta ki longkmie ban kha khyllung bad ïaki heprit napoh ka Ri-lum Jaiñtia.
Ka seng haka jingïakynduh bad u DMHO naka liang jong u ula pynsngew ba ladep ban Sanctioned ïaki post na duh ki Doctor, ki Nurse bad kiwei kiwei bad shen yn sa sdang noh ïaki jingsumar kiba dei ban ai ha kane ka jaka ai jingsumar kata naduh u bnai Jymmang (May).
Naka liang ka seng kala ïoh ruh ban ïa phylliew jingmut halor ka jingbym biang ki tiar test naduh ki X-ray Scanning Ultra Sound, MRI, CT Scan bad naka por shaka por ki paidbah ki hap ban phah leh ïaki test shabar haka jingsiew kaba heh bad hakaba ïadei bad kane naka liang u Officer ba dei peit ïaka MHIS ula pynshai ba ki nongpang kiba phah test shaki jaka Test Private kidei ban pynbiang ïaki Reciept, Cash memos, khnang ba kin ïoh ïaka bailut ksan lyngba ka smart bad kumjuh ïaki dawai baki leit thied naki Private Pharmacy ruh kumjuh.
Naka liang ka seng lyngba u Publicity Secretary samla Yomiki Passah ka kyntu ïaki paidbah nongshong ba kim dei ban sngewthuh bakla halor kane ka jingleit phah test shabar bad ka jingleit thied dawai shabar jong ki Hospital sorkar namar ka sorkar kan sa siew ïa kane lyngba ka MHIS Card lada jia ba ki Hospital sorkar kim don ïaki jong ki test bad ki dawai.