U James P.K.Sangma un kren ïa ki mat kiba ïadei bad ka jylla Meghalaya ha Parliament: NPP

Shillong, Naitung 21: U State working president ka National People Party uba dei ruh u myntri sorkar ka NPP u Marcuise N. Marak u la ong ba u MP ka Rajya Sabha u James PK Sangma la khmih lynti ba un mih khmat tyngeh ïa ki mat jong ka Meghalaya ha Parliament.
“Ngi khmih lynti ïa kaba bha na u namar ba u don ka jingtip kaba bha ïa ka jylla jong ngi bad u lah ban pynpaw bha ïa lade ha Parliament”, la ong u Marak.
U la bynrap ba ka jingnang ktien jong u Sangma kan long ka jingmyntoi.
“Ym don kano kano ka jingeh ha ka ktien.U lah ban kren Hindi bha bad ruh ïa ka kumjuh ïa ka ktien phareng.Kata kan ïarap ïa u ban pynpaw ïa ki jingeh jong ngi da kaba thikna,” la ong u Marak.
U myntri u la jer kyrteng ïa ki katto katne ki mat ba kongsan kiba donkam ban shim khia ha ka ri baroh kawei.
“Ngi don shibun ki mat ha ka jylla kiba donkam ban pynsngew ha Parliament.Kiba jingdawa kaba dang khluid bha ki kynthup ïa ka jingdawa ban pynioh ïa ka Inner Line Permit, ka jingpynrung ïa ka ktien Khasi bad Garo, bad katto katne kiwei pat”, u la ong.