U-16 Vijay Mervhant Trophy : Kham lah kamai ron ki rang tied ka Meghalaya ha kaba lai sngi

0

Shillong, Nohprah 22 : Ka Meghalaya ka la lah ban ïalehkai bha ha ka sngi kaba lai bad kaba khatduh ha ka lympung ïalehkai U-16 Vijay Merchant Trophy pyrshah ïa ka Hyderabad hadien ka jinglah ban ïalehkai bha ha ka liang ka tied bol ha ka inning kaba ar lyngba u Rudra Singh Rathore bad u Trinayan Dutta.
Haba bteng biang ïa ka inning kaba nyngkong ha ka jingkamai 13/1 ban beh ïa ka ron jong ka Hyderabad kaba kamai 300 ron (all put), ka Meghalaya ka la shah pynhap lut baroh ki wicket da kaba kamai 83 ron bad kaba la hap ban tied biang, ha ka inning kaba ar, ki kham lah shuh shuh ha ka liang ka jingkamai ron da kaba kamai 139 ron duh noh 6 wicket, watla katta ruh ka donkam sa 78 ron ban ai tied biang ïa ka Hyderabad.
U rangkawang bol ba kynsai tam jong ka Meghalaya ha ka sngi ba nyngkong udei u Da U La Biang Shangpliang, uba khur 5 wicket ai kamai 91 ron.
Ha ka pali tied, u Kishlay Vishlux u kamai 25 ron na bynta ka Meghalaya ha ka inning kaba nyngkong. Ha ka inning kaba ar u Rathore u la khyrwit half-century kata da 54 ron shwa ba un shah pynhap wicket noh da kaba khyrwit phra tylli ki four katba u Dutta struck 36 bad khyrwit phra tylli ki four.
U Vishlux (10) bad u Jarrett M Wanñiang (17) ki la ïarap kamai ron na bynta ka Meghalaya, u Justin Fancon 4 ron (not out) bad u Benedict Jones Makdoh, uba khlem pat ïoh kamai ron.

Leave A Reply

Your email address will not be published.