Shillong, Nailar 26: Ka kynhun ïalehkai ki khynnah ba hapoh 15 snem jong ka jylla Meghalaya ki la poi shaduh ka final ha ka U-15 boys’ Subroto Cup 2024 bad kane ka la jia hadien ba ka la pynliem noh ïa ka Bangladesh da 2-1 kol ha ka wat ïakhun semifinal ha ka Lah Sngi U Blei ha Bangalore.
Ka jingïakhun ha kane ka sngi la pynkhihjar da u Marc R Marak (36’P) bad u Prosperwell Ryntong (58’) na bynta ka Meghalaya, katba u Nafid (43’) u la pynkhih na bynta ka Bangladesh.
Kumban shu kdew, ka Nongjri Presbyterian Secondary School na Ri-Bhoi District ka la ïoh ban mihkhmat ïa ka jylla Meghalaya sha kane ka lympung U-15 boys hadien ba ka la rah ïa ka state-level Subroto Cup ha u bnai ba ladep.
Ha kane ka lympung ka kynhun ïalehkai Under-15 jong ka Meghalaya ka la jop baroh lai sien lynter ki jingïalehkai na ka Group B, da kaba sdang jingjop da 6-0 kol pyrshah ïa ka kynhun na Sri Lanka, hadien nangta ka la jop da 7-0 kol ïa ka ISSO, bad da 8-0 kol ïa ka Dadra & Nagar Haveli and Daman & Diu. Ha kine baroh lai tylli ki jingïalehkai, u Chanjib u la ïoh ban khyrwit hat-trick lai sien lynter.
Hadien nangta ka Meghalaya ka la jop da 2-0 kol ïa ka Army Boys Company 2-0 ha ka quarterfinal.
Da kane ka namjop ka Meghalaya kan pynkhreh ïalade ban ïatynjuhbor khadduh bad ka Uttar Pradesh ha ka final lashai ka Sngi Balang ha ka por 4:30 baje nohphai sngi ban ïaknieh ïa ka namlahduh.
