Nongpoh, Jymmang 03: Ka skulbah Mahatma Gandhi University, kaba don ha 13 mer Tamulkuchi, Ri-Bhoi District kala pynlong ïaka jingai jingsumar ei kaba 2 sngi lynter sha bun tylli ki shnong ba marjan katei ka skulbah bad ruh ban pynlong ïaka jingai snam ei naka bynta kito kiba donkam kyrkieh ïaka snam.
Ïa katei ka jingsumar ei bad kumjuh ruh ka prokram ai snam la pynlong da ka skulbah University haka 2 bad 3 tarik Jylliew 2026 haka jingïatreilang bad ka Blood Centre Nongpoh Civil Hospital bad ka Meghalaya State Blood Transfusion Council hapoh katei ka skulbah.
Ha kaba ïadei bad ka jingsumar ei kaba la pynlong haka 2 tarik ha kaba da ki phew tylli ki shnong ba marjan naduh ki longkmie longkpa, ki khun samla kumjuh ruh ki khynnah skul kila wan ban shim kabu ban leit phah peit haki doctor ban tip ïala ka jong ka jingkoit ka jingkhiah lyngba ki tnad sumar bapher bapher.
Katba mynta ka 3 tarik Jylliew la pynlong ïaka Voluntary Blood Donation Camp ha kaba kumba 25 ngut kynthei bad shynrang kila register ïalade hynrei 20 ngut napdeng jong ki kila ioh ban ai snam sha ka Blood Centre jong ka Nongpoh Civil Hospital.
Ha kane ka sngi u Rubul Ali Officer Incharge ka Byrnihat Police Station u la shim bynta kum u kongsan haka jingdonlang ka Dr P Tariang Incharge jong ka Blood Centre Nongpoh Civil Hospital, u Dr. Sagar O. Manjare Vice Chancellor, ki nonghikai, ki doctor, lem bad ki samla pule.
