Shillong, Lber 15: Ka khubor ba la ïoh na ki pulit la ïathuh ba u Mithe Chettri u la phah ka jingujor ba ha ka mied jong ka 11 tarik mynta u bnai, ki runar bym lah ban ithuh ki la tuh ïa ka pick-up truck jong u kaba don u nombar ML-05AB-2541 na Anjalee Parking Lot, Shillong.
Ha kawei pat ka jingjia ki pulit ki la ïathuh ba ka Jayanti Das ka la phah ka jingujor ba ha ka 12 tarik mynta u bnai, ki runar bym lah ban ithuh ki la prong hapoh ka jaka sah jong ka kaba ha Pynthorumkhrah, Shillong bad ki la tuh ka ksiar bad kiwei ki tiar kiba shongdor T. 78,000/- bad ka pisa T. 12,000/- (approx).
Shuh shuh ki pulit ki la ïathuh ba u Mathiush A Marak u la phah ka jingujor ba hapdeng ka mied jong ka 12 & 13 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05S-2412 napoh ka compound jong u kaba ha ka shnong Dalia kaba dang hab ha Shella PS (EKH).
