Shillong, Naitung 27: Ka khubor ba la ïoh na ki pulit la ïathuh ba u William KR Marak uba na ka shnong Bolpu Chiring, West Garo Hills (WGH) u la phah ka jingujor ba ha ka 18 tarik mynta u bnai ha ka por 7 baje mynstep, ki runar bym lah ban ithuh ki la tuh ïa ka thuk thuk jong u kaba don u nombar ML-08C-4002.
Ha kawei pat ka jingjia, ki pulit ki la ïathuh ba u Tengean K Sangma u la phah ka jingujor ba ha ka 22 tarik mynta u bnai ha ka por kumba 5 baje mynstep, ki runar bym lah ban ithuh ki la tuh ka scooter jong u kaba don u nombar ML-10B-9877 napoh Kench’s Trace, Shillong.
Katba ka Kong Theodora Dkhar ka la phah ka jingujor ba ha ka 21 tarik mynta u bnai ha ka por 4 baje mynstep, ki runar bym lah ban ithuh ki la tuh ka scooter jong ka kaba don u nombar ML-04D-9175 napoh ka jaka sah jong ka kaba ha ka shnong Mutong (EJH).
