Jowai, Naiwieng 02: Ka Bamkamar SC bad ka Lumphyrnai Sohphoh ki la jop ïa la ki jong ki jingïalehkai ha ka lympung phutbol ‘Hajan Shylla Memorial Football League 2026’ jong ka kyrdan ‘1st Division’ bad ka kyrdan ‘Super Division’ kaba la tip kum ka ‘Kesilroy Memorial Football League 2026’ kiba la long hynne ka sngi Nyngkong, ka 02 tarik u Naiwieng 2026, bala pynïaid daka Thadlaskeiñ Sport Association (TSA) ha Wahiajer Multi Sports Complex Stadium.
Haba phai sha ka jingïakhun ba nyngkong jong ka kyrdan ‘1st Division’ ka Bamkamar SC kala jop da 2-1 kol ïaka Jalapang SC. Ki ar kol jong ka Bamkamar SC la thep da u Ius Khongjoh (18’) bad u Shaphrang Nongrum (38’), katba u Kynmo Phawa (31’) u la pynïakhaid shipor na ka bynta ka Jalapang SC.
Nangta ka jingïakhun ba ar jong ka kyrdan (Super Division) ka Lumphyrnai Sohphoh kala pynjemkhnap da 5-1 kol ïaka Lurshai Larnai. Ka Lumphyrnai Sohphoh ka la thep lyngba u Decidrius Pyrtuh (6’), u Rio Myrboh (33’), u Pynbiangmi Mynsong (36’) bad u Habandajop Khriam (66 & 81’). Ïa ka shikol naka Lurshai Larnai la thep da u Enforce Kharshohnoh (55’).
La pyntip ka jingïakhun ha kane ka sngi Ba-ar (3.11.2026) haka kyrdan ‘1st Division’ kan long hapdeng ka Dongmihsngi SC pyrshah ïaka Friends United haka por 11 baje mynstep. Katba haka kyrdan ‘Super Division’ haka por 2 baje shiteng nohphai sngi ka Ialong SC pyrshah ïaka Nongkhroh Mawsiang.
