Thung ka BCCI ïa u Bah Gideon Kharkongor kum u nongpeit pyrman ha ka jingïalehkai ka India bad South Africa

Shillong, Risaw 02 : U Honorary Secretary jong ka Meghalaya Cricket Association, u Bah Gideon Kharkongor, u la shah thung kum u nongpeit pyrman (Match Observer) na bynta ka T20 International kaba lai hapdeng ka India bad South Africa kaban sa pynïalehkai ha ka Holkar Stadium ha Indore, Madhya Pradesh.
Ïa kane la pyntip da u Secretary jong ka BCCI u Jay Shah ha ka jingïalang ryngkat ki nongïalam ba hakhmat na ka thaiñ shatei lam mihngi ka ri kaba la long ha Guwahati ha ka sngi Saitjaiñ. Katei ka jingïalehkai kan long ha ka sngi ba ar.
Ka kam kaba u Bah Gideon Kharkongor ha ryngkat kiwei pat kiba la shah thung kum ki nongpeit pyrman ïa katei ka jingïalehkai ka kynthup ha kaba ïadei bad ki madan ïalehkai, ki umpire, ki player nalor kiwei kiwei de.