Thrang u CM ban dro map noh ïa ki jaka ha Sohra kiba don jingtei ki riewrim

0

Shillong, Nailar 12 : Ka map jong ka Sohra kaba kdew ïa ki jaka ba paw bad ki jaka ba don ïa ki jingtei ba lah rim bad ba phylla, ki lah ban pynsngewtynnad shuh shuh ia ki nongwan jngohkai bad ban pynlong ruh ïa ki ba kin niewkor ïa ki khana bad ki jinghiar pateng la pateng jong ka thaiñ.
Kane ka dei ka jingsngew ba la pynpaw da u Myntri Rangbah ka Jylla Conrad K Sangma ha ka Sngi U Blei hadien ka jingïashim bynta ha ka Mass mynstep hapoh ka St.John Bosco Shrine ha Sohra, hadien ka Cabinet Retreat ba kut hynnin ka sngi Saitjain.
Hadien kane ka jingïaseng, u Myntri Rangbah ula pyndem jingduwai ha ka relic (met ba sah) jong u St.John Bosco. Ka dur mot ba shiryngieng jong une u riewkhuid, bala pynïeng hapoh ka ïingmane naduh ba ka wan poi na Turin, Italy ha u snem 2006, la niew burom bha namar ka jingdon ki shyieng ka kti ka mon jong u St.John Bosco.
U Myntri Rangbah ula leit ïuhkjat ruh hapoh ka ïingmane ka Sacred Heart of Jesus, ka ïingmane ka Balang Catholic bala rim duh ha Sohra.
ïa kane ka ïingmane la tei ha u snem 1905 da ka Society of Devine Savior Salvatorian. Ha phyllaw kane ka ïingmane, la thung ïa uwei u dieng kseh ha ka por ba plie ïa ka ïingmane u dang ïai bteng ban pyni ïa ka pateng kaba neh jong ki mishoneri kiba la seng ïa ka Balang da ka jingthmu jong ka jingieit bad jingsngewrit.
Haba pyrkhat shaphang ka jingpaw jong ka jaka, u Conrad u la banjur ïa ka jingdonkam ban dro map bad pynriewspah ïa ki jaka ba pawnam jong ka Sohra. Ka jingpynthymmai ïa ka ïingmane Sacred Heart ha u snem ba la dep ka la pynneh pynsah ïa ki jingoh dur da ka dieng ia ka dur jong U Jisu Khrist, u Joseph bad ka Mary, kaba pyni ïa ka jingtrei kti kaba ni bad ka jingaiti lut jong ka juk kaba la leit noh.

Leave A Reply

Your email address will not be published.