Nongpoh, Rymphang 07: Kumba long haduh mynta ka sngi ba kaba dei ka sngi khatduh ban la ailad ban thep kyrteng na ka bynta ki kyrtong ba thmu ban aireng ha kane ka election 2023 na ki Constituency ha ka jylla bad ha Ri Bhoi District ha kane ka sngi ba khatduh ki don 4 ngut kiba la thep kyrteng ban pynthikna ba ki dei kita ki kyrtong ban aireng ha kane ka election 2023 na ki Constituency kiba don ha Ri Bhoi.
Kine ki saw ngut ki kyrtong ba la pyndep bann thep kyteng khatduh mynta ka sngi ki kynthup ïa ka kyrtong ka BJP party na Jirang Constituency, ka Riya Sangma, u Bah Lee Bareh, kyrtong shimet na Jirang, ka Serimina Marak, kyrtong ka Republican party of India (RPI) na Jirang bad u Bah Bismo Ingti kum u kyrtong shimet na Nongpoh Constituency.
Haba khein kyllup na baroh ki 5 tylli ki Constituency ha Ri Bhoi, ki kyrtong kiba la wan ban thep kyrteng ki la poi haduh 35 ngut bad kin sa aireng ha kane ka election na ki Constituency ka Ri Bhoi kaba ki mihkhmat ban leit pan jingkyrshan na u paidbah.
Kine ki kyrtong kiba mih ban ïa khun ha kane ka election na ka 08-Mawhati Constituency ki kynthup ïa u Bah Charles Marngar, Congress, (INC), u Bah Baïahunlang Makdoh, na ka UDP party, u Bah Shemphang Lyngdoh na ka NPP party, u Dr. Evarist Myrsing na ka BJP party, u Kong Evalin Kharbani na ka HSPDP party, ka Dr. Saralin Dorphang na ka TMC party, u Bah Raswell Shadap na ka PDF party bad u Bah Osbert Banteilang Rynjah kum u kyrtong shimet.
Ki kyrtong kiba ïa khun pat na ka 09- Nongpoh Constituency ki kynthup ïa u Bah Mayral born Syiem, na ka party UDP, ka Kong Macdalyne Sawkmie Mawlong na ka party NPP, ka Kong Rona Khymdeit na ka party Congress, (INC), ka Kong Marian Maring na ka party BJP, u Bah Longsingh Bey na ka party TMC bad u Bah Bismo Ingty kum u kyrtong shiemt.
Na ka 10- Jirang Constiteuncy ki kyrtong ki kynthup ïa u Bah Sosthenes Sohtun na ka party NPP, u Bah Bathok Nongmalieh na ka party UDP, u Bah Adrian Chyne na ka party Congress, (INC), ka Riya Sangma na ka party BJP, u Sunmoon D.Marak na ka party TMC. Ka Serimina D. Marak na ka party Republican Party of India (RPI), u Forcaster Nongrang kum u kyrtong shimet bad u Bah Lee Bareh kum u kyrtong shimet.
Na ka 11- Umsning Constituency ki kyrtong ki kynthup ïa u Bah Jason Sawkmie Mawlong na ka party NPP, u Bah.Sunshine Makri na ka party UDP, u Dr. Celestine Lyngdoh na ka party Congress, (INC), u Bah Donlang Sohkhlet na ka party PDF, u Bah Ricky J.Syngkon na ka party VPP, u Bah Gilbert Nongrum na ka party TMC, u Bah Duruth Majawna ka party BJP bad u Bah Primose Makdoh na ka party HSPDP.
Ki kyrtong pat kiba ïakhun na ka 12-Umroi Constiteuncy ki kynthup ïa u Bah George Lyngdoh na ka party TMC, u Bah Damanbait Lamare na ka party NPP, u Bah Stanliwis Rymbai na ka party Congress (INC), u Bah Baïateilang Lapang na ka party PDF bad u Bah Shanbor Ramde na ka party BJP. Haba khein kyllum ki kyrtong na ki san tylli k Constituency kiba don ha Ri Bhoi ki la kot sha ka 35 ngut kiba la pyndep ban thep kyteng na ka bynta ban aireng ha kane ka election 2023 hapoh ka jylla.
