Thaw ka KHADC da ka PAC ban bishar ïa ki jingshem hapoh ka kaiphod CAG

0

Shillong, K’ Lyngkot 12: Ka Khasi Hills Autonomous District Council (KHADC) dangshen ka la thaw ïa ka Public Accounts Committee (PAC), ha kaba u CEM barim u Bah Titosstarwell Chyne u la shah thung kum u chairman jong ka PAC ha ka sngi kut jong ka dorbar tlang jong ka Council.
Ka jingthaw ïa ka PAC ka la long ruh halor ka jingmynjur jong ka Comptroller and Auditor General of India (CAG), kaba la ong, “La mynjur ba ka KHADC ka lah ban thaw ïa ka Public Accounts Committee ba kan shim kam halor ka jingshem jong ka kaiphod ba la audit kaba la kdew ban pynthikna ïa ka rukom pynïaid ha ka pla tyngka bad ka synshar khaddar kaba bha ha ka ban pynïaid ïa ki kam ki jam jong ka KHADC.”
Katkum ka Comptroller & Auditor General’s Regulations on Audit and Accounts No 197, u ne ka officer in-charge halor ka kam audit ba dei ban phah ïa ka jubab halor ka Inspection Report (IR) hapoh ki 4 taïew naduh ba la ïohpdiang ïa kane ka jingbthah.
Ka kaiphod ka ong ba ki jingshem lyngba ka Audit halor ki jingbym ïaid beit ki kam pynïaid ïa ka pla tyngka bad ki jingduna ha ka ban pynïaid ïa ki account kaba la lap lyngba ka local audit bad kiba khlem pynbeit hapoh ka jaka dei ban ïakren bad ki bor ba halor lyngba ki IR.
Tat haduh kine ki sngi jong ka audit kaba ha u bnai Risaw 2021, kumba 55 tylli ki paragraph haba ïadei bad ki 5 tylli ki IR ba la pynmih hapdeng u bnai Jylliew snem 2012 bad u Nailur, 2019 ki la long kiba biang bha, ka la ong.
Ïa ki kaiphod jong ka Comptroller and Auditor General of India haba ïadei bad ka district council la pynkhreh hapoh ka Paragraph (4) jong ka Sixth Schedule jong ka riti synshar jong ka ri India na ka bynta ban aiti sha u Lat ka jylla u ban bthah pat ïa ki ban wanrah hakhmat ka KHADC.
Watla ïa ki Audit Report haba ïadei bad ka KHADC jong ki snem 1970-71 haduh 2012-13 la dep ban buh hakhmat ka KHADC, ka jingshim kam halor kine ki jingshem ba la lap hapoh kine ki Audit Report khlem pat pat khang kaba ïadei bad u bnai Jylliew jong u snem 2022.
U Secretary jong ka Executive Council, ka KHADC u la ong ha u bnai Nailar, 2022 ka Council ka la thaw ha u bnai Kyllalyngkot, 2017 ïa ka committee ba kan bishar bad khmih bniah ïa ka CAG report na ka bynta u snem ba kut kaba dei jong ka 31 tarik u Lber, 2010 ban pynmih ïa ki jingmynjur ha kaba kane kan pynsuk ïa ka jingpynpoi ïa ki jingshem hapoh ka Audit.
Ka kaiphod ka la ong ba ka committee ka la phah sha ka Accountant General (Audit), Meghalaya, Shillong (Report Section) hapoh kane ka office lyngba ka shithi kaba 31 tarik u Naitung, 2017.
La ong ba kam shym la don shuh kano kano ka committee kaba la thaw ban khmih bniah ïa ki CAG Report na ka bynta ka snem kut kaba dei jong ka 31 tarik u Lber, 2011 haduh u bnai Lber jong u snem, 2013.

Leave A Reply

Your email address will not be published.